काठमाडौं ।
सिंगापुरमा जारी एसियन गेम्स पुरुष क्रिकेट छनोट प्रतियोगिताको फाइनलमा नेपालले आज (सोमबार) हङकङसँग प्रतिस्पर्धा गर्दैछ ।
फाइनल खेल आज नेपाली समय अनुसार अपरान्ह १२ः१५ बजेदेखि सुरु हुनेछ ।
नेपालले ओमानलाई ८ विकेटले पराजित गर्दै फाइनलमा पुगेको हो भने हङकङले मलेसियालाई ६ विकेटले पराजित गर्दै फाइनलमा पुगेको थियो ।
त्यस्तै, आजै सेमिफाइनलमा पराजित भएका ओमान र मलेसिया तेस्रो स्थानका लागि खेल्दैछ । तेस्रो स्थानको खेल बिहान ७ः१५ बजेदेखि सुरु हुनेछ ।
सेमिफाइनलमा पुगेको चारै देश नेपाल, हङकङ, ओमान र मलेसिया एसियन गेम्सका लागि छनोट भइसकेको छ ।
