पर्वत ,२२ पुष
गाउँमा खेतिकिसानी गरेर जिविका चलाईरहेका सोझा नागरीकलाई बिदेश पठाउने प्रलोभन देखाएर विकास किसान नाम गरेका व्यक्तिले सयौँलाई ठगेर फरार भएका छन् ।
काठमाण्डौ महानगरपालिका वार्ड नं. २० मित्रनगरमा बस्ने किसानले आकर्षक तलब र वैदेशिक रोजगारीको आश्वासन दिएर बेरोजगार युवायुवतीलाई ठगी गरेर सम्पर्कबिहिन भएका छन् । फरार किसान म्याग्दी जिल्लाको मंगला गाउँपालिका वडा नम्बर २ निवासी धनबहादुर किसानका छोरा हुन् ।
ठगि गरेका विकास किसानले म्याग्दी, बागलुङ पर्वत लमजुङ लगायतका विभिन्न जिल्लाका व्यक्तिहरूलाई क्रोसिया, माल्टा, सर्बिया र पोल्यान्ड जस्ता देशमा वैदेशिक रोजगारीमा पठाउने आश्वासन दिएका थिए । उनले पीडितहरूबाट लाखौं रकम र पासपोर्ट लिएर सम्पर्कविहीन भएको पिडितले सचेत न्युजलाई जानाकारी दिएका छन् ।
किसानले बागलुङ काठेखोला गाउँपालिकाका हरि सुनार र म्याग्दी रघुगङ्गा गाउँपालिकाका अनुसा विक सहित दर्जनौँ पीडितबाट दुई÷दुई लाख रुपैयाँ र पासपोर्ट लिएको किसानबाट पिडित बनेकाहरुले बताएका छन् ।
पीडितहरूका अनुसार विकासले काठमाडौं उपत्यका र अन्य जिल्लाका व्यक्तिहरूलाई आकर्षक तलब र रोजगारीको प्रलोभन देखाएर ठगी गरेका थिए । ठगी गरेर फरार रहेका किसानलाई प्रहरीले पक्राउ पुर्जी जारी गरेको छ साथै एक जनालाई पक्राउ समेत गरेको छ ।
सम्पर्कविहीन भएपछि पीडितहरूले बारम्बार खोजी गर्दा उनले उल्टै धम्की दिने गरेको पिडित हरि सुनारले बताएका छन् । पीडितहरूले उनलाई कानुनी कारबाहीको माग गरेका छन् । किसानले ठगेका घटनाहरू उजागर भएपछि वैदेशिक रोजगार विभाग ताहाचल, काठमाडौं उपत्यका अपराध अनुसन्धान कार्यालय, टेकुले उनलाई पक्राउ गर्न पक्राउ पुर्जी जारी गरेको थियो ।
प्रहरीले विकास किसानको गतिविधिको अनुसन्धान गरिरहेको जनाएको छ । पक्राउ पुर्जी जारी गरिएका किसानले ठगी गरेको रकम लाखौं रहेको प्रारम्भिक अनुसन्धानले देखाएको छ । प्रहरीले यस्ता ठगीको शिकार हुनबाट जोगिन तथा यसरि नै कोहि नागरिक ठगीएको भएमा तुरुन्त उजुरीदिन समेत अनुरोध गरेको छ । थप सवै प्रमाणहरु पिडित सगैँ रहेको छ ।
