साझा पार्टीका अध्यक्ष रविन्द्र मिश्रले राष्ट्रपति ट्रम्पप्रति व्यक्त समर्थनले अमेरिकी मूल्य मान्यतामा प्रश्न खडा गरेको टिप्पणी गरेका छन्।

अमेरिकी समाजलाई ‘अचम्मको’ भन्दै उनले लेखेका छन्, “एक संसदीय महाअभियोग, ६ टाट पल्टाइका घटना, २६ यौन दुर्व्यवहारका आरोप र अनुमानित ४००० मुद्दाहरु खेपिरहेका ट्रम्प अमेरिकाजस्तो शिक्षित, सुसंस्कृत, विकशित देशमा राष्ट्रपतीय चुनावमा अझै कडा प्रतिष्पर्धामा छन्। के रहेछ शिक्षा, सुसंस्कार र विकासको मापदण्ड?”

विश्वको शक्तिकेन्द्र र ‘लोकतन्त्रमा समस्या’

लेखक विजयकुमारले ट्विटरमा परराष्ट्रमन्त्री प्रदीप ज्ञवाली र काठमाण्डूस्थित अमेरिकी राजदूतावासलाई मेन्सन गर्दै अमेरिकी चुनावलाई विश्वभर उत्सुक्तापूर्वक हेरिएको उल्लेख गरेका छन्।

उनले पहिलाको तुलनामा कमजोर भएपनि अमेरिका अझै पनि विश्वको केन्द्र रहेको र चुनावको परिणामले दुनियाँभर धेर थोर प्रभाव पार्ने टिप्पणी गरेका छन्।

अमेरिकी निर्वाचन परिणाम कस्तो आउला ???
त्यसले अमेरिकामा मात्र होइन
दुनियाभर , थोर या बहुत प्रभाव पर्नेछ
पहिलाको तुलनामा कमजोर नै भए पनि
अमेरिका अझै केन्द्र हो

केन्द्रनै हल्लिए पछि
परिधि कसरी शान्त रहन सक्छ र
सबैमा उत्सुक्ता हुनै नै भयो !?@PradeepgyawaliK @USAmbNepal

— Vijay Kumar Panday (@Vijaykumarko) November 4, 2020

नागरिक समाजका अगुवा देवेन्द्रराज पाण्डेले कम्तीमा ५१ वटा चुनावसम्बन्धी कानुन रहेको अमेरिकामा अब १८ शताब्दीको नभई अहिलेको समय सुहाँउदो संवैधानिक व्यवस्था गरिनुपर्ने मत ट्विटरमा राखेका छन्।

एक निर्वाचन (फेडरल मात्र हिसाब गर्दा), कम्तिमा ५१ वाट निर्वाचन क़ानून/नियम, कतै नभएको इलेकटोरल कलेज, तेस माथि ट्रम्प, अनि प्यान्डेमिक।अनि दुइ चिरामा सर्लक्क बिभाजित इलेक्टोरेट! US needs s second Constitutional Convention to create a constition befitting 21st century, not 18th. https://t.co/J8S88pS3yB

— Devendra Raj Panday (@DRP39) November 4, 2020